परप्रांतीयांना राज्यात परत आणण्यासाठी धोरण आखणे गरजेचे : शरद पवार || Marathi news
जगभर कोरोनाचे संकट असताना लॉकडाऊनमध्ये मोठ्या संख्येने मजूर त्यांच्या गावी परत गेले आहेत. देशाची आर्थिक व्यवस्था डगमगली असून राज्यातील कंपन्या पुन्हा सुरू करण्यासाठी मजुरांना पुन्हा आणण्याची गरज आहे भासू लागली आहे.
मुंबई :
भारतच नव्हे तर जगभरात कोरोनाचा ( Coronavirus ) कहर वाढतच चालला आहे. त्यामुळे त्याचा थेट परिणाम अर्थव्यवस्थेवर होताना दिसत आहे. त्यात राज्याला मोठ्या प्रमाणात महसूल मिळत नाहीये . कोरोना विषाणूचा प्रादुर्भाव टाळण्यासाठी व मानवी गर्दी रोखण्यासाठी राज्यातील सर्व उद्योग धंदे ठप्प आहेत . त्यामुळे कामे करून खाणाऱ्यांची अवस्था बिकट झाली आहे.
 |
| परप्रांतीयांना राज्यात परत आणण्यासाठी धोरण आखणे गरजेचे : शरद पवार || Marathi news |
गेल्या दोन महिन्यांपासून देशात लागू केलेल्या लॉकडाऊनमुळे व कमाईचे कोणतेच साधन उपलब्ध नसल्याने मजुरांना उपासमारीला सामोरे जावे लागत आहे. मोठ्या संख्येने मजूर, कामगार आपआपल्या गावी परत जात आहेत. मात्र यामुळे राज्यात विविध कंपन्यांना कामे करणे आता अवघड जात आहे कारण मनुष्यबळ कमी पडत आहे .
केंद्रीय मंत्री शरद पवार ( Sharad Pawar ) यांनी लॉकडाऊननंतर आर्थिक संकट सोडविण्यासाठी धोरणात्मक उपाययोजना आखण्याचे आवश्यक असल्याचे सांगितलं आहे. याबाबत त्यांनी ट्विटर वर ट्विट केलं आहे.
The state governments are relaxing the conditions of lockdown but factories are not in a position to resume as workers have migrated to the villages. We need to strategize to bring them back.— Sharad Pawar (@PawarSpeaks) May 22, 2020
शरद पवार त्यामध्ये म्हणतात , राज्य सरकार लॉकडाऊनची परिस्थिती शिथिल करीत आहेत. पण कामगार खेड्यांमध्ये स्थलांतरित झाले आहेत त्यामुळे कारखाने पुन्हा सुरू करण्याच्या स्थितीत नाहीत. आपल्याला त्यांना परत आणण्यासाठी धोरणात्मक पाऊल उचलणे आवश्यक आहे.
New policies for encouraging industrial growth should be incorporated to attract new investment in the states. To increase imports, exports and inland shipping, consultations should be held with industrialists, entrepreneurs and expert officials in the field.— Sharad Pawar (@PawarSpeaks) May 22, 2020
दुसऱ्या ट्विटमध्ये त्यांनी म्हटलं आहे की , राज्यांमध्ये नवीन गुंतवणुकदारांना आकर्षित करण्यासाठी औद्योगिक विकासाला प्रोत्साहित करण्यासाठी नवीन धोरणांचा समावेश केला पाहिजे. आयात, निर्यात आणि अंतर्देशीय शिपिंग वाढविण्यासाठी उद्योगपती, उद्योजक आणि क्षेत्रातील तज्ज्ञ अधिकाऱ्यांशी सल्ला मसलत करण्याची गरज आहे.
कोरोनाचे महाभयानक संकट डोक्यावर असताना अशी पाऊले उचलणे ठीक आहेत का ? अर्थव्यवस्थेला सांभाळण्यासाठी व महसूल मिळवण्यासाठी उद्योग धंदे सुरु केले तर कोरोनाचा वाढत संसर्ग कसा रोखता येईल ? अशी प्रतिक्रिया जनतेतून येत आहे.
➤ Subscribe करा आमच्या YouTube Channel ला - Click here Khasmarathi
➤ Whatsapp Updates साठी * 9284678927 * या क्रमांकावर तुमचे व तुमच्या जिल्ह्याचे नाव व्हॉटसअप करा.
टिप्पणी पोस्ट करा