एका 21 वर्षीय इंजिनियर मुलाने आपल्या आई-वडीलांची निर्घृण हत्या केली.|marathi news
 |
| एका 21 वर्षीय इंजिनियर मुलाने आपल्या आई-वडीलांची निर्घृण हत्या केली.|marathi news |
नवीन वर्षाच्या पहिल्याच दिवशी नागपूर शहरात दुहेरी हत्याकांडाने संपूर्ण शहर हादरलं आहे. एका 21 वर्षीय इंजिनियर मुलाने आपल्या आई-वडीलांची निर्घृण हत्या केली. या हत्येनंतर नागपूरचं वातावरण खूप गढूळ झालं आहे. 21 वर्षीय मुलाने आपल्या आई-वडिलांची हत्या का केली आणि ह्याचं खरं कारण काय आहे, हे पाहूयात.
नागपूर शहरातील कपिल नगर पोलीस ठाण्याच्या हद्दीत ही हत्याकांड घडली. हत्याकांडातील पीडित व्यक्तींची नावे लीलाधर डाकोडे आणि अरुणा डाकोडे आहेत. ही घटना 26 डिसेंबर रोजी घडली होती, मात्र ती पाच दिवसांनी उघडकीस आली. या हत्येचा आरोपी 21 वर्षीय मुलगा आहे, जो याच दाम्पत्याचा मुलगा आहे.
अरुणा डाकोडे या शिक्षिका होत्या. 26 डिसेंबर रोजी त्या शाळेचे पेपर तपासत होत्या. घरात वडील आणि बहीण नसल्याचं पाहून मुलाने गळा घोटून आईची हत्या केली. आईची हत्या केल्यानंतर मुलगा वडीलांचा येण्याची वाट पाहत बसला. वडील घरी येताच मुलाने धारदार शस्त्राने वडिलांचीही हत्या केली.
आरोपी मुलाची बहीण कॉलेजला गेली होती. तिला घरात हत्येची माहिती होईल असं वाटल्याने मुलाने तिच्या समोर एक बनावट कथा रचली, ज्यात त्याने सांगितलं की आई-वडील बंगळुरूला मेडिटेशनसाठी गेले आहेत. तसेच तिला काकाच्या घरी सोडून दिलं आणि घरात पाच ते सहा दिवस तिला प्रवेश देण्यापासून वर्ज्य केलं. पण घरात मृतदेहांचा दुर्गंधी येऊ लागल्याने शेजाऱ्यांनी पोलिसांना याबाबत माहिती दिली आणि त्यातून ही घटना उघडकीस आली.
आरोपीचा नाव उत्कर्ष आहे. उत्कर्ष हा ड्रग्जच्या आहारी गेला होता. त्याचं अभियांत्रिकीमध्ये सातत्याने नापास होणं हे देखील त्याच्या मनोवृत्तीत बदल आणत होतं. काही दिवसांपूर्वीच आई-वडिलांनी त्याला शिक्षण न करता शेती करण्याचा सल्ला दिला होता, ज्यामुळे संतापलेल्या उत्कर्षने हे हत्याकांड घडवलं, अशी माहिती पोलिसांच्या तपासात समोर आली आहे. याप्रकरणी पोलिसांनी आरोपीवर गुन्हा दाखल केला असून तपास सुरू आहे. या घटनेने पोलिसांनाही मोठा धक्का दिला आहे.
टिप्पणी पोस्ट करा